Техник-құрылысшы

4S07320106

88884 қаралым

Сипаттама

Құрылысшы - әртүрлі мақсаттағы ғимараттарды салуға және абаттандыруға байланысты мамандықтардың жалпы тізімінің жалпы атауы.

Техник - құрылысшы түрлі меншік нысанындағы құрылыс ұйымдарында, күрделі құрылыс, өнеркәсіптік және азаматтық ғимараттар мен құрылыстарды пайдалану және жөндеу қызметтерінде шебер, жұмыс жүргізуші лауазымдарында, сондай-ақ жобалау ұйымдарында осы бейіндегі орта арнайы білімі бар мамандармен алмастыруға жататын лауазымдарда жобалау-сметалық құжаттама дайындау үшін өндірістік-технологиялық және ұйымдастыру-басқару қызметін жүзеге асырады.

Маманда мынадай жұмыс мамандығының бірін меңгеруі керек:

тас қалаушы,
бетоншы,
сылақшы,
бояушы,
құрылыс шебері-ағаш ұстасы,
тасшы-қаптаушы,
монтаждаушы, сондай-ақ 2 разрядтан төмен емес аралас жұмысшы мамандығы.

Кәсіби маңызды қасиеттер: көзбен шамалау дәлдігі, жауапкершілік сезімі, ұйымдастырушылық қабілеті, коммуникабельділік, ұқыптылық.

Танымалдылық рейтингінде құрылысшы мамандығы сенімді түрде алдыңғы қатарда. Оқу барысында болашақ мамандар тас, сылақ және қаптау-тақталау жұмыстарын жүргізу кезінде орындалатын құрылыс технологияларын; әртүрлі конструкцияларды ұйымдастыру принциптері мен әдістерін; сыртқы және тысқы әрлеуді; қолданылатын айлабұйымдардың, тетіктердің, құралдардың негізгі түрлерін; құрылыс өндірісін ұйымдастыру мәселелерін; бөлімдер мен бригадалардағы жұмысшылардың еңбегін ұйымдастыруды; құрылыстағы қауіпсіздік техникасы ережелерін меңгереді.